સ્થાનિક માહિતી મુજબ કેટલાક ઘાયલોની હાલત નાજુક હોવાનું જણાવવામાં આવ્યું છે અને હોસ્પિટલમાં ડોક્ટરોની ટીમ તેમની સારવારમાં લાગેલી છે. અકસ્માત બાદ સ્થળ પર અફરાતફરીનો માહોલ સર્જાયો હતો.
ગંગા એક્સપ્રેસવે પર છેલ્લા કેટલાક દિવસોમાં સતત માર્ગ અકસ્માતોની ઘટનાઓ સામે આવી રહી છે. આજે સવારે ફરી એક ગંભીર અકસ્માત સર્જાયો, જેમાં લુધિયાણાથી હરદોઈ જઈ રહેલી એક ડબલ ડેકર બસ એક ઉભેલા ટ્રક સાથે જોરદાર અથડાઈ ગઈ. આ અકસ્માતમાં લગભગ 30થી 35 મુસાફરો ઘાયલ થયા છે. હાલમાં તમામ ઘાયલોને તાત્કાલિક સંભલ જિલ્લાના બહુજોઈ સીએચસીમાં સારવાર માટે ખસેડવામાં આવ્યા. ગંભીર રીતે ઘાયલ થયેલા દર્દીઓને વધુ સારવાર માટે બદાયૂં જિલ્લા હોસ્પિટલમાં રેફર કરવામાં આવ્યા છે.
અકસ્માત બાદ સ્થળ પર અફરાતફરીનો માહોલ સર્જાયો
સ્થાનિક માહિતી મુજબ કેટલાક ઘાયલોની હાલત નાજુક હોવાનું જણાવવામાં આવ્યું છે અને હોસ્પિટલમાં ડોક્ટરોની ટીમ તેમની સારવારમાં લાગેલી છે. અકસ્માત બાદ સ્થળ પર અફરાતફરીનો માહોલ સર્જાયો હતો. પોલીસ અને રાહત ટીમ તાત્કાલિક ઘટનાસ્થળે પહોંચી ગઈ હતી અને બચાવ કામગીરી હાથ ધરી હતી. આ ઉપરાંત, ગંગા એક્સપ્રેસવે પર અગાઉ પણ બે અલગ-અલગ ઘટનાઓ બની ચૂકી છે.
શું બસનો ડ્રાઈવર હતો નશામાં?
પાપડ વિસ્તાર પાસે એક કાર આગળ અચાનક બળદ આવી જતા બે મહિલાઓ ઘાયલ થઈ હતી, જેમને દાતાગંજ સીએચસીમાં દાખલ કરવામાં આવ્યા હતા. ત્યારે બીજા દિવસે એક કારનું ટાયર ફાટી જવાથી મોટો અકસ્માત થતાં થતાં બચી ગયો હતો. મળતી માહિતી મુજબ, હાલમાં થયેલા અકસ્માતમાં ડબલ ડેકર બસનો ડ્રાઈવર નશાની હાલતમાં હોવાનું પણ કહેવામાં આવી રહ્યું છે, જે કારણે વાહન નિયંત્રણ ગુમાવ્યું અને અકસ્માત સર્જાયો. પોલીસ સમગ્ર મામલાની તપાસ કરી રહી છે.