કેન્દ્ર સરકારના કર્મચારીઓને મોંઘવારીનો સામનો કરવામાં મદદ કરવા માટે નિયમિત રીતે મોંઘવારી ભથ્થામાં વધારાનો લાભ મળે છે. જોકે, 8મા પગાર પંચ અંગે ચર્ચાઓ તીવ્ર બનતા, કર્મચારી સંગઠનો હવે વધુ મહત્વપૂર્ણ માંગ માટે દબાણ કરી રહ્યા છે. તેઓ મોંઘવારી ભથ્થાને તેમના મૂળ પગારમાં સામેલ કરવાની માંગ કરી રહ્યા છે.
1. શું છે માંગ?
આ માંગ 8મા પગાર પંચ માટે ચાલી રહેલી પરામર્શ પ્રોસેસ હેઠળ કરવામાં આવી છે. આ માંગ ઓલ ઈન્ડિયા NPS એમ્પ્લોયીઝ ફેડરેશન (AINPSEF) સહિત કર્મચારી સંગઠનો દ્વારા આપવામાં આવેલા અપડેટ્સ દરમિયાન ઉભરી આવી છે.
2. સેલેરી સ્ટ્ર્ક્ચર
8મા પગાર પંચની આસપાસની ચર્ચાઓના વિશિષ્ટ કવરેજ દરમિયાન મીડિયાને જાણવા મળ્યું છે કે, યુનિયન માને છે કે મોંઘવારી ભથ્થા (DA) નું વર્તમાન સ્તર છેલ્લા કેટલાક વર્ષોમાં જીવનનિર્વાહના ખર્ચમાં જે ઝડપી ગતિએ વધારો થયો છે તે દર્શાવે છે, અને તેને હવે સુધારેલા સેલેરી સ્ટ્ર્ક્ચરમાં સામેલ કરવો જોઈએ.
3. કોને કરશે અસર?
આ મુદ્દો મહત્વપૂર્ણ છે કારણ કે, મોંઘવારી ભથ્થું (DA) ને મૂળ પગારમાં સામેલ કરવાથી લાખો કેન્દ્ર સરકારના કર્મચારીઓના પગાર, ભથ્થાં, પેન્શન અને રિટાયર બેનિફિટ્સ પર સીધી અસર પડી શકે છે.
4. મોઘવારી ભથ્થુ શું છે?
મોંઘવારી ભથ્થું એ સરકારી કર્મચારીઓ અને પેન્શનરોને મોંઘવારીની અસર ઘટાડવા માટે ચૂકવવામાં આવતી વધારાની રકમ છે. આવશ્યક ચીજવસ્તુઓ અને સેવાઓના ભાવમાં સતત વધારો થતાં, સરકાર કર્મચારીઓને તેમની ખરીદ શક્તિ આંશિક રીતે જાળવી રાખવા માટે સમયાંતરે મોંઘવારી ભથ્થા (DA) માં સુધારો કરે છે.
5. મૂળ પગાર ઉપરાંત મોંઘવારી ભથ્થું
મોંઘવારીના આંકડાઓના આધારે, મોંઘવારી ભથ્થામાં સામાન્ય રીતે વર્ષમાં બે વાર સુધારો કરવામાં આવે છે. હાલમાં, કેન્દ્ર સરકારના કર્મચારીઓને તેમના મૂળ પગાર ઉપરાંત મોંઘવારી ભથ્થું (DA) મળે છે.