સોના અને ચાંદીના ભાવમાં સતત બીજા દિવસે ઘટાડો જોવા મળ્યો છે. MCX પર સોનાનો ભાવ લગભગ ₹1,500 જેટલો ઘટીને ટ્રેડ થઈ રહ્યો છે, જ્યારે ચાંદીમાં લગભગ ₹10,300નો મોટો ઘટાડો નોંધાયો છે. આંતરરાષ્ટ્રીય બજારમાં પણ સોનું અને ચાંદી બંનેના ભાવ નબળા રહ્યા છે. ઈમ્પોર્ટ ડ્યુટી વધ્યા બાદ પહેલાં ભાવમાં વધારો થયો હતો, પરંતુ હવે ઊંચા ભાવના કારણે માંગ ઘટી રહી છે, જેના કારણે કિંમતોમાં ઘટાડો જોવા મળી રહ્યો છે.
સોના અને ચાંદીના ભાવમાં સતત બીજા દિવસે ઘટાડો જોવા મળ્યો છે. સોનાનો ભાવ ₹1,500 ઘટીને ₹1,60,530 પ્રતિ 10 ગ્રામ પર પહોંચી ગયો છે. જ્યારે ચાંદીનો ભાવ પણ ₹10,300 ઘટીને ₹2,80,805 પ્રતિ કિલોગ્રામ પર ટ્રેડ થઈ રહ્યો છે. ઇમ્પોર્ટ ડ્યુટી વધ્યા બાદ પહેલા સોનાના ભાવમાં સતત બે દિવસ સુધી વધારો જોવા મળ્યો હતો, પરંતુ 14 અને 15 મેના રોજ ફરી ભાવ નીચે આવ્યા છે.
આંતરરાષ્ટ્રીય બજારમાં પણ સોના અને ચાંદીના ભાવમાં ઘટાડો નોંધાયો છે. સોનું 1.40% ઘટીને 4,619 ડોલર પ્રતિ ઔંસ પર ટ્રેડ થઈ રહ્યું છે, જ્યારે ચાંદી 4.25% ઘટીને 81.705 ડોલર પ્રતિ ઔંસ પર છે. વૈશ્વિક બજારમાં નબળાઈના કારણે સ્થાનિક બજારમાં પણ તેની અસર જોવા મળી રહી છે.
સોના ચાંદીના નવા ભાવ
આજે સોના અને ચાંદીના નવા ભાવમાં અલગ-અલગ શહેરોમાં થોડી ફરક જોવા મળી છે. દિલ્હીમાં 24 કેરેટ સોનાનો ભાવ ₹1,62,270 પ્રતિ 10 ગ્રામ નોંધાયો છે, જ્યારે 22 કેરેટ સોનું ₹1,48,960 પ્રતિ 10 ગ્રામના ભાવે વેચાઈ રહ્યું છે. મુંબઈ અને કોલકાતામાં 24 કેરેટ સોનું થોડું વધારે એટલે કે ₹1,62,340 પ્રતિ 10 ગ્રામ પર ટ્રેડ થઈ રહ્યું છે. અહીં 22 કેરેટ સોનાનો ભાવ ₹1,48,810 પ્રતિ 10 ગ્રામ નોંધાયો છે
ચેન્નાઈમાં 24 કેરેટ સોનાનો ભાવ ₹1,64,190 પ્રતિ 10 ગ્રામ સુધી પહોંચી ગયો છે જ્યારે 22 કેરેટ સોનું ₹1,50,510 પ્રતિ 10 ગ્રામના ભાવે વેચાઈ રહ્યું છે. પુણે અને બેંગલુરુમાં 24 કેરેટ સોનાનો ભાવ ₹1,62,340 પ્રતિ 10 ગ્રામ છે, જ્યારે 22 કેરેટ સોનાનો ભાવ ₹1,48,810 પ્રતિ 10 ગ્રામ નોંધાયો છે.
ચાંદીના ભાવમાં ફરી ઘટાડો જોવા મળ્યો છે. 15 મેની સવારે ચાંદીનો ભાવ ઘટીને ₹2,99,900 પ્રતિ કિલોગ્રામ પર આવી ગયો છે. જ્યારે તે પહેલાંના દિવસે દિલ્હીના સરાફા બજારમાં ચાંદી ₹900 ઘટીને ₹2,96,600 પ્રતિ કિલોગ્રામ રહી હતી. નોંધનીય છે કે આ જ વર્ષે જાન્યુઆરીમાં ચાંદીનો ભાવ દેશમાં ₹4 લાખ પ્રતિ કિલોગ્રામના સ્તર સુધી પહોંચી ગયો હતો.
સોના-ચાંદીના ભાવ પર દબાણ
સોના અને ચાંદીના ભાવ પર હાલમાં દબાણ જોવા મળી રહ્યું છે. આંતરરાષ્ટ્રીય બજારમાં મજબૂતી અને રૂપિયાની નબળાઈના કારણે દેશમાં સોનાના ભાવમાં થોડો વધારો જોવા મળ્યો છે. પરંતુ ઊંચા ભાવના કારણે ગ્રાહકોની ખરીદી ઘટી ગઈ છે, જેના કારણે તેજી વધુ આગળ વધી શકી નથી.
ઈમ્પોર્ટ ડ્યૂટી વધ્યા બાદ ભારતમાં સોનું વધુ મોંઘું થયું છે. આ કારણે ઘણા રોકાણકારોએ નફો બુક કરવાનું શરૂ કર્યું અને નવી ખરીદી ટાળી દીધી. પરિણામે ફિઝિકલ ડિમાન્ડ પર દબાણ વધ્યું છે. આ જ કારણસર ભારતીય ગોલ્ડ માર્કેટમાં ડિસ્કાઉન્ટ વધ્યો છે અને સ્પોટ માર્કેટમાં તે 200 ડોલર પ્રતિ ઔંસથી પણ વધુના રેકોર્ડ સ્તર સુધી પહોંચી ગયો છે.