અમદાવાદ એરપોર્ટ પર સોનાની દાણચોરીનો પર્દાફાશ થવા પામ્યો છે. શારજાહથી આવેલા મુસાફર પાસેથી કસ્ટમ વિભાગે સોના સાથે ધરપકડ કરી છે.
અમદાવાદ એરપોર્ટ પર કસ્ટમ વિભાગે સોનાની દાણચોરીનો મોટો પર્દાફાશ કરતાં એક મુસાફરની ધરપકડ કરી છે. આરોપી શારજાહથી અમદાવાદ આવ્યો હતો અને તેની પાસેથી અંદાજે 60 લાખ રૂપિયાની કિંમતનું સોનું જપ્ત કરવામાં આવ્યું છે.
શારજાહથી આવેલા મુસાફર પાસેથી મળ્યું સોનું
માહિતી અનુસાર, શંકાસ્પદ હલચલને આધારે કસ્ટમ અધિકારીઓએ મુસાફરની તપાસ હાથ ધરી હતી. તપાસ દરમિયાન જાણવા મળ્યું કે આરોપીએ સોનાને ખાસ પ્રકારના હૂકના આકારમાં તૈયાર કરીને છુપાવ્યું હતું, જેથી સુરક્ષા તપાસમાં તે ઝડપાઈ ન જાય.
કસ્ટમ વિભાગે 60 લાખના સોના સાથે 1ની ધરપકડ કરી
કસ્ટમ વિભાગે જપ્ત કરાયેલા સોનાને કબજે લઈ આરોપીની ધરપકડ કરી છે. પ્રાથમિક તપાસમાં સોનાની દાણચોરીના આંતરરાષ્ટ્રીય નેટવર્ક સાથે જોડાણ હોવાની શક્યતા પણ વ્યક્ત કરવામાં આવી રહી છે.
આરોપી સોનાના હૂક બનાવીને કરતો હતો તસ્કરી
અધિકારીઓએ આરોપી વિરુદ્ધ કાયદેસરની કાર્યવાહી શરૂ કરી છે અને સોનું ક્યાંથી લાવવામાં આવ્યું હતું તેમજ તેની ડિલિવરી કોને થવાની હતી તે અંગે વધુ તપાસ હાથ ધરવામાં આવી છે.
કસ્ટમ વિભાગે ગુનો નોંધીને શરૂ કરી તપાસ
કસ્ટમ વિભાગના જણાવ્યા મુજબ, એરપોર્ટ પર દાણચોરી અટકાવવા માટે સતત ચેકિંગ અને નજર રાખવામાં આવી રહી છે. આ કાર્યવાહીને કારણે દાણચોરો સામે કડક સંદેશો ગયો હોવાનું માનવામાં આવે છે.