દેશની રાજધાની દિલ્હીના લક્ષ્મી નગર વિસ્તારમાંથી એક એવો કિસ્સો સામે આવ્યો છે જે સાંભળીને તમારા રૂવાડા ઉભા થઈ જશે. પોતાને ભાજપ અને RSS ના નેતા ગણાવતા સતીશ યાદવ અને તેના સાથીઓએ પિતા-પુત્રને ઘરમાંથી ઢસડીને બહાર કાઢ્યા અને પછી રસ્તા પર નિર્વસ્ત્ર કરી નિર્દયતાથી માર માર્યો છે. આ ઘટનાનો CCTV વીડિયો જોઈને પથ્થર પણ પીગળી જાય તેવો છે. આટલું જ નહીં, પીડિત દીકરાનો PCR કોલ પણ સામે આવ્યો છે, જેમાં તે 1 કલાક સુધી પોલીસ પાસે જિંદગીની ભીખ માંગતો રહ્યો પણ મદદ મોડી પહોંચી. જુઓ રાજધાનીમાં કાયદાના ચીરેચીરા ઉડાવતો આ અહેવાલ. લક્ષ્મી નગરમાં રહેણાંક વિસ્તારમાં આતંકનો નગ્ન નાચ ખેલાયો. વિવાદ માત્ર એક જિમ ખોલવા જેવી સામાન્ય બાબતનો હતો, પણ આરોપી સતીશ યાદવે તેના સાથીઓ વિકાસ, શુભમ અને ઓમકાર સાથે મળીને રાજેશ ગર્ગ અને તેમના પુત્રની આબરૂના ધજાગરા ઉડાવ્યા. વીડિયોમાં જોઈ શકાય છે કે પોલીસના આવ્યા પછી પણ આરોપીઓ બિન્દાસ્ત ઉભા છે. પોલીસે હાલ મુખ્ય આરોપી સતીશ યાદવની ધરપકડ કરી છે અને અન્ય આરોપીઓ માટે 3 અલગ-અલગ ટીમો બનાવી છે. પીડિત પરિવાર અત્યારે ફફડાટમાં છે અને ન્યાયની ગુહાર લગાવી રહ્યો છે.