Ahmedabad Air Pollution: અમદાવાદ શહેરની હવા ઝેરી બની ગઈ છે. અમદાવાદના અનેક વિસ્તારોમાં હવાનું પ્રદૂષણ ગંભીર સ્તરે પહોંચ્યું છે. કેટલાય વિસ્તારોમાં AQI 400ને નજીક પહોંચી ગયું છે.
દેશની રાજધાની દિલ્હીમાં વર્ષોથી શિયાળામાં ભારે પ્રદૂષણનો મુદ્દો ચર્ચામાં રહ્યો છે, ત્યારે હવે અમદાવાદની હવા પણ ઝેરી બની છે. અમદાવાદ શહેરમાં છેલ્લા થોડા દિવસોથી હવાની ગુણવત્તામાં નોંધપાત્ર ઘટાડો જોવા મળી રહ્યો છે. ભારે ઠંડીના પ્રકોપ પછી હવાનું પ્રદૂષણ ખતરનાક સ્તર પર પહોંચી ગયું છે. શહેરના અનેક વિસ્તારમાં AQI 400ને પાર પહોંચી ગયો છે.
ઠંડીના પ્રકોપ સાથે હવાનું પ્રદૂષણ
અમદાવાદમાં ઠંડી સાથે હવાનું પ્રદૂષણ ખતરનાક સ્તરે પહોંચ્યું છે. ત્યારે વહેલી સવારથી શહેરમાં ધુમ્મસ છવાયેલું હોવાની સાથે જ અમદાવાદમાં વાયુ પ્રદુષણને કારણે વિઝીબિલીટી ઘટી જાય છે. ઠંડીના કારણે પ્રદૂષણના કણો હવામાં નીચે રહી જાય છે જેથી હવાની ગુણવત્તા વધુ બગડે છે. ભારે ઠંડી અને ધુમ્મસની સાથે હવા પ્રદૂષણને કારણે અનેક વિસ્તારોમાં સવારના સમયે વિઝિબિલિટી ઘટી જાય છે. વિઝિબિલિટી ઘટવાના કારણે વાહનચાલકોને મુશ્કેલી પડી રહી છે. હવામાં ઝેરી કણોનું પ્રમાણ વધતા AQI (એર ક્વોલિટી ઇન્ડેક્સ) 400ને પાર પહોંચી ગયું છે, જે ‘ખૂબ જ ખરાબ’ કેટેગરીમાં ગણાય છે.
અમદાવાદ શહેરના વિવિધ વિસ્તારોનો AQI
- બોપલ આંબલી – 424 AQI
- બોપલ – 412 AQI
- થલતેજ – 378 AQI
- ગોતા – 378 AQI
- જુહાપુરા – 310 AQI
- બોડકદેવ – 275 AQI
- શાંતિગ્રામ – 276 AQI
- નવરંગપુરા – 278 AQI
- શાહીબાગ – 260 AQI
- ઉસમાનપુરા – 269 AQI
- વટવા – 254 AQI
- સોનીની ચાલી – 251 AQI
- મણિનગર – 249 AQI
- રખિયાલ – 245 AQI
- કઠવાડા – 243 AQI
- એરપોર્ટ – 235 AQI
- સેટેલાઇટ – 232 AQI
- ઇસરો – 236 AQI