What’s Hot

શેરબજારમાં મંગળવારે તોફાની તેજી સાથે કારોબારની શરૂઆત થઈ હતી. બેન્ચમાર્ક ઇન્ડેક્સ સેન્સેક્સ લગભગ 3800 પોઈન્ટના ઉછાળા સાથે 85,323.20 ના સ્તર પર ઓપન થયો હતો. જ્યારે નિફ્ટી 50 ઇન્ડેક્સ 1220 પોઈન્ટની તેજી સાથે 26,308 ના સ્તર પર ખુલ્યો હતો. આટલા મોટા ગેપ-અપ ઓપનિંગ બાદ ઉપલા સ્તરેથી થોડી પ્રોફિટ બુકિંગ જોવા મળી હતી અને નિફ્ટી 25,800 સુધી નીચે આવ્યો હતો. આમ છતાં, નિફ્ટીમાં 700 પોઈન્ટ અને સેન્સેક્સમાં 2300 પોઈન્ટની તેજી જળવાઈ રહી હતી. ભારત અને અમેરિકા વચ્ચે સોમવારે મોડી રાત્રે જાહેર થયેલી ટ્રેડ ડીલને કારણે બજારમાં આ ઉત્સાહ જોવા મળી રહ્યો છે. આ ડીલ હેઠળ અમેરિકી રાષ્ટ્રપતિ ડોનાલ્ડ ટ્રમ્પે ભારતીય વસ્તુઓ પરના રેસિપ્રોકલ ટેરિફને 25%થી ઘટાડીને 18% કરી દીધા છે અને રશિયા પાસેથી કાચા તેલની ખરીદી પર લાગતા વધારાના 25% ટેરિફને સમાપ્ત કરી દીધા છે. આ સમાચારથી બજાર ગેલમાં છે અને માર્કેટમાં 'શોર્ટ પોઝિશન' લે...